Concello de Parada de Sil

Lugares de Interese

Esta Ruta de lugares de interese proponche nove enclaves onde sentir a paisaxe, a cultura e a historia desta terra. Recorda que todos eles pertencen os habitantes de Parada.

Todas as paisaxes teñen unha linguaxe escondida que se deixa oír a quen queira escoitalo. O canón do Sil xera microclimas especiais: o seu espectacular relevo produce unha escala natural de ambientes, dende a paisaxe minuciosa de ribeira ata os horizontes abertos da montaña. Preto do río, encontrarás especies típicas de zonas mediterráneas e soutos que deixa paso, máis arriba, a fermosas carballeiras.

1. Área recreativa de Pradomao
É un bo lugar para merendar e quizais para un baño na praia fluvial. Tamén podes percorrer un sendeiro duns 4 kilómetros que, pasando por Pradomao e a súa calzada romana, chega á aldea da Hedrada.

2. Ermida de Triguás
É unha das máis coñecidas ermidas dunha zona en que a arquitectura relixiosa se despeza en múltiples exemplos. A despoboación desta comarca provocou que se deixase de celebrar a romaría en Triguás o 12 de setembro, Doce Nome de María.

3. Mirador de Triguás
Un pouco máis abaixo da ermida encontrarás o miradoiro. Dende alí verás un compendio de todas as paisaxes que contén a Ribeira Sacra, produto dunha historia xeolóxica única.

4. Pozo do Lobo
Se te achegas ao miradoiro de Os Torgás (ou Balcóns de Madrid) podes visitar este pozo situado detrás do campo de fútbol. Esas pedras gardan a memoria da loita ancestral que manteñen a especie humana e o lobo.

5. O vello Castiñeiro
En Entrambosríos encontrarás un dos moitos castiñeiros milenarios que hai en Parada de Sil, inmediatamente antes da aldea, preto da estrada de acceso.

6. Muiños de Entrambosríos
Encontraralos se percorres o sendeiro, aínda que tamén podes acceder dende a estrada na aldea de Entrambosríos, baixando uns 250 metros, moi preto do vello castaño.

7. Souto de San Andrés
Aínda quedan exemplos de magníficos soutos (castañais) ben mantidos. como este que che suxerimos.. Para visitar Santo André podes chegar en vehículo ou camiñando uns 300 m dende Purdeus, pequeno lugar preto da Casalta.

8. As Viñas
Se te detés no aparcadoiro que hai antes do desvío a San Lorenzo verás unha zona viñedo. Dende alí, por camiños de servizo, tes a posibilidade de dar un paseo, entre Las Viñas.

9. Rio Mao-Fábrica da Luz
Accederás á Fábrica da Luz dende un desvío. Dende esta antiga central hidroeléctrica sae un sendeiro que por unha pasarela de madeira che permite percorrer o último tramo do curso do río Mao (percorrido duns 850 m).

10. Enoturismo
A adega Ronsel do Sil, que dirixe María José Yravedra, acaba de pór en marcha a modalidade de enoturismo, ofrecendo a posibilidade de visitar as instalación e as viñas, así como unha degustación dos viños que elaboran. As visitas haberán de ser concertadas previamente cos responsables da iniciativa. O cartaz adxunto indica cómo facelo e tamén a ubicación da adega.

 

Mapa de Situación