Concello de Parada de Sil

Andrew Lawrence-King é un dos intérpretes de música antiga máis respectados do mundo. Dirixiu óperas barrocas, oratorios e música de cámara en lugares míticos como A  Scala de Milán, Opera House de  Sidney,  Casals Hall de Tokio, as Filarmónicas de Viena, Berlín e Moscova,  Konzerthaus de Viena, o Palacio de Belas Artes de Ciudad de México e o  Carnegie Hall de Nova York. En 2011 gañou o  GRAMMY á Mellor Interpretación de Música de Cámara xunto a Jordi  Savall.

En 1994 fundou  The  Harp  Consort, grupo co que percorreu o mundo e co que tamén foi galardoado en numerosas ocasións polas súas interpretacións brillantes e os seus traballos discográficos.

 

A carreira de Andrew Lawrence-King empezou no coro da catedral de  Guernsey. Foi bolseiro para estudar en Cambridge e despois no  London  Early Music Centre. Debutou no Royal Albert Hall de Londres cun concerto de arpa medieval nos  Proms da BBC. En 1988 entrou en  Hesperion  XX de Jordi  Savall e foi nomeado Catedrático de Arpa e Continuo na  Akademie  für  Alte  Musik de  Bremen e na Escola Superior de Música de Catalunya. Tamén foi profesor na  Sibelius  Academy de Helsinqui e na  Historical  Harp  Society de Irlanda.

O seu traballo de investigación e as súas gravacións con arpas celtas son ben coñecidos e respectados nos círculos de música tradicional. O seu 2 CD xunto a Jordi  Savall titulados “ The Celtic  Viol” bateron récords de vendas. Un dos seus CD co cantante  Paul  Hillier foi considerado por Elvis  Costello “Disco do Ano” para a revista  Rolling  Stone.

 

Impartiu  clases e realizou cursos na  Schola  Cantorum  Basilensis,  ESMUC Barcelona,  Akademie  fur  Alte  Musik  Bremen, a  Sibelius  Academy &  Metropolia de Helsinqui e as Universidades de Oxford, Cambridge,  Yale,  Sidney,  Melbourne e  Perth.

É Doutor  Honoris Causa pola Universidade de  Sheffield, catedrático de Arpa Antiga na  Guildhall School  of Music de Londres e profesor de Arpa e Continuo na Royal  Danish  Academy  of Music de Copenhague. É ademais director invitado de Concerto  Copenhagen e  L’ Homme Armei Florence.