Concello de Parada de Sil

.

Martes, 06 Agosto 2024 15:58

JONATHAN MAYER · 21 SETEMBRO · SANTA CRISTINA IN MUSICA 2024

Ciclo de conciertos SANTA CRISTINA IN MUSICA 2024

Jonathan Mayer, sitar
Día: Sábado, 21 de setembro de 2024

Hora: 19:00 hrs.
Lugar: Mosteiro de Santa Cristina de Ribas de Sil, Parada de Sil, Ourense
Organiza: Concello de Parada de Sil
Coordina: Shelly Art Management

Precio: 15,00€

Reserva previa en: EVENTBRITE

Más información en:

https://www.facebook.com/santacristinainmusica/

http://paradadesil.es

Santa Cristina in musica, un diálogo musical na Ribeira Sacra
Dirección artística: Conchi da Silva

http://www.conchidasilva.com

PROGRAMA

Os ragas de Tagore*

Raga Bhairav mañá (apracible)

Raga Purvi mediodía (místico)

Raga Desh tarde (alegre)

* Raga significa literalmente ‘modo’ ou ‘estado de ánimo’. Na música clásica da India o raga é un esquema melódico baseado nunha serie de notas (entre cinco e sete) e patróns rítmicos característicos, no que se establece un tema e unha improvisación.

Rabindranath Tagore foi un poeta, filósofo, novelista, músico, pintor e dramaturgo nado en Calcuta (India) en 1861. En 1913 outorgóuselle o Premio Nobel de Literatura, polo que se converteu no primeiro escritor non europeo en recibilo. O seu libro de poemas e cancións Gitanjali foi clave para que se lle concedese. Os textos deste concerto pertencen a esa obra. Tagore compuxo infinidade de cancións. Na actualidade dúas delas son os himnos nacionais de Bangladés e India.

Jonathan Mayer, sitar

Fillo do falecido compositor de Calcuta John Mayer, Jonathan comezou a súa formación musical á temperá idade de 5 anos estudando violín co seu avó Albert Hepton, piano con James Methuen-Campbell e composición co seu pai. Aos 16 anos comezou a estudar sitar co sitarista Clem Alford. En 1993, Jonathan empezou os estudos de composición e tamén de sitar con Andrew Downes no conservatorio de Birmingham, onde se licenciou. Despois, estudou mestría técnica con varios grandes mestres: Ustad Wajahat Khan, Senia veen-kar Gharana e Pandit Subroto Roy Chowdhury.

Debido á súa capacidade para ler a notación occidental, a súa carreira desenvolveuse percorrendo unha gran variedade de xéneros e estilos, feito que lle permitiu tocar con artistas e formacións musicais moi dispares entre si, como Anup Jalota, Kathryn Tickell, Kuljit Bhamra, Kenny Wheeler, The Orlando Consort, John Wilson, Erich Gruenburg ou Rohan De Sarem, e tamén con orquestras como a London Philharmonic Orchestra, Orquestra Filarmónica de Bohuslav Martinu (Chequia), Bombai Dub Orchestra (India), Future Sounds of London, Karlovy Vary Philharmonia (Chequia) e BBC Concert Orchestra.

Como compositor, Jonathan ten escrito pezas para moitos xéneros, incluídos o jazz, a música india, a danza e a escritura sinfónica. As súas obras foron interpretadas e encargadas pola London Philharmonic Orchestra, a Orquestra Filarmónica de Pilsen (Chequia), a London Docklands Sinfonia, a Orquestra Filarmónica de Bohuslav Martinu (Chequia), Erich Gruenburg, Joji Hattori e a banda Indo-Jazz Fusions (Reino Unido).

Jonathan traballa en estreita colaboración coa produtora londinense zerOclassikal colaborando en tres proxectos do Arts Council: Perserverance, Altered Boundaries e Raga Music. Este último é un encargo de dez composicións escritas para instrumentos occidentais e tabla. Tamén traballou coa recoñecida compañía inglesa de danza Amina Khayyam en proxectos que incluíron un arranxo do Nocturno de Borodin para sitar, sarod, violoncello e tabla. En 2021, o seu Concerto para sitar nº2 publicouse en First Hand Records; posteriormente, foi gravado coa BBC National Orchestra of Wales e recibiu críticas eloxiosas xeneralizadas.

Jonathan actuou en numerosos países, incluídos Francia, Alemaña, Rusia, Emiratos Árabes Unidos, Estados Unidos, Australia, Bangladés, Sri Lanka e, por suposto, India. Tocou en diversas ocasións para a BBC no Reino Unido. Mayer é cofundador de First Hand Records e director artístico da produtora zerOclassikal.