Concello de Parada de Sil

.

Novas

Mércores, 02 Abril 2025 11:55

PLAN DE MELLORA DE CAMIÑOS RURAIS 2024-2025

PLAN DE MELLORA DE CAMIÑOS RURAIS 2024-2025, cofinanciado co FONDO EUROPEO AGRÍCOLA DE DESENVOLVEMENTO RURAL (Feader)

O Concello de Parada de Sil dentro do Plan Marco da Xunta de Galicia, busca facilitar o acceso ás leiras dos veciños do Concello.

Acometeuse a mellora do camino “OU 604 - Forcas – Límite Municipal”. Deste xeito preténdese evitar o despoboamento do rural e facilitar as condicións de vida e servizos básicos dos veciños do concello mediante estas actuacións que melloran a accesibilidade, a mobilidade e a seguridade.

O importe da obra é de 63.538,87 euros e foi adxudicada á empresa “ Construcciones y Obras Taboada Ramos SL”.

Importe subvencionable é 52.511,46 €.

Nas actuacións o que se pretende é mellorar a capa de rodadura do camiño e tamén ampliacións do mesmo camiño e a limpeza das gabias/ cunetas.

Published in Novas

Ler máis...

Venres, 06 Setembro 2024 16:02

XVII CARREIRA POR MONTAÑA "CANÓN DO SIL" - A DECANA 2024

O Concello de Parada de Sil en colaboración co Clube de Montaña "Ribeira Sacra" convoca a:

XVII Carreira por Montaña " Canón do Sil" - A DECANA 2024 o vindeiro 20 de outubro 2024

XVII CARREIRA POR MONTAÑA " CANÓN DO SIL": LIGA de TRAIL de OURENSE · 33 KM / 2220m. desnivel positivo ·(Proba Aberta-Open)

XIII MEDIA CARRERA CANON DO SIL: LIGA de TRAIL de OURENSE · 17Km / 950m. desnivel positivo · (Proba Aberta-Open)

VII MINI CARRERA CANON DO SIL POPULAR: PROBA DA LIGA DE TRAIL DE OURENSE · 7Km / 370m. desnivel positivo · (Proba Aberta-Open)

PROGRAMA

SÁBADO 19 de OUTUBRO

18.30 h. - 20.00 h. Entrega de dorsais na Casa do Concello

DOMINGO 20 de OUTUBRO

08.00 - 08.40 h. Entrega de Dorsais na Casa do Concello.

09.00 h. Saída da Carreira Longa dende a Praza do Concello.

09.30 h. Saída da Media Carreira dende a Praza do Concello

10.30 h. Saída da Mini e Cadete dende Caxide

14.00 h. Entrega de premios na Praza do Concello.

15.00 h. Peche do control de Meta (hora límite para a finalización da proba).

Fai a túa reserva na seguinte ligazón: RESERVA XVII CARREIRA CANÓN DO SIL 2024

Published in Novas

Ler máis...

Mércores, 26 Xuño 2024 09:41

Éxito rotundo no Concerto de Guitarra & Voz Xuño 2024

A soprano Gloria Novoa e o guitarrista Francisco Liberona encheron a igrexa do Mosteiro de Santa Cristina de Ribas de Sil co seu fantástico repertorio.

Published in Novas

Ler máis...

Xoves, 07 Setembro 2023 10:12

NOVO SERVIZO DE ASESORAMENTO XURÍDICO E PSICOLÓXICO

O Departamento de Servizos Sociais do Concello de Parada de Sil pon a dispor da poboación durante o mes de setembro 2023 os seguintes servizos:

ASESORAMENTO XURÍDICO: Martes de 09:30 a 14:30 hrs. na Casa do Concello

Orientación e asesoramento gratuíto de tipo legal en casos de dereito civil, laboral, de familia, separación, divorcio, estranxeiría, incapacitacións, herdanzas,...

INFORMACIÓN E CITA PREVIA NO 988 20 80 10

ASESORAMENTO PSICOLÓXICO: Venres de 09:30 a 14:30 hrs. na Casa do Concello

Apoio e orientación gratuíta en casos de ansiedade, depresión, problemas emocionais, casos de violencia de xénero, separación, dificultades coa parella, fillos/as,...

INFORMACIÓN E CITA PREVIA NO 988 20 80 10

Published in Novas

Ler máis...

Domingo, 05 Decembro 2021 14:21

ESPECTÁCULO MUSICAL: "TRANVÍA DE NADAL"

ESPECTÁCULO MUSICAL: "TRANVÍA DE NADAL"

Espectáculo musical de 55 min para cativos de máis de 3 anos e adultos
Día: Luns 27 de decembro 2021
Hora: 12:00 hrs.
Lugar: Salón de Plenos do Concello
Entrada de balde e sen reserva ata cubrir o aforo que é limitado.
Protocolo Covid

SINOPSE: No País do Vento, o Tren do Ano é longo e nunca para. Pasa por 4 estacións, 12 meses, 52 semanas, 365 días... moito traballo para un só tren! O que ninguén sabe é que o Tren do Ano colle vacacións: en decembro, descansa. No seu lugar, polas vías da vida troupelea un tranvía, pequecho, brillante, especial, cheíño de sorpresas e agasallos. É un tranvía que vai vestido de festa: o Tranvía Nadal. Cando pasa, o sol queda quieto no ceo. Non é de estrañar. Ese tranvía garda tantas marabillas que ata o sol devece por descubrilas. No Tranvía Nadal conviven mitos e contos de distintas culturas: historias sobre o ceo e a natureza, sobre o lendario Papa Noel e as festas que traen a luz nos días máis fríos e escuros, sobre banquetes entre xente querida e a maxia de espertar á primavera... Ademais, no chucutrán, chucutrán chucuTranvía Nadal tamén hai bailes e música a manchea.

Published in Novas

Ler máis...

Venres, 03 Decembro 2021 12:48

TURISMO DE GALICIA MELLORA OS MIRADOIROS DE PARADA DE SIL

Nava Castro, Directora da Axencia de Turismo de Galicia ven de conceder ao Concello de Parada de Sil unha axuda de 30.000,00€ para acondicionar os miradoiros do noso concello.

Agradecemos desde Parada de Sil esta subvención!

Published in Novas

Ler máis...

Xoves, 02 Decembro 2021 11:03

PRESENTACIÓN DO PLAN DE ACCIÓN PARA O CLIMA E A ENERXÍA SOSTIBLE

O Pleno do Concello de Parada de Sil na súa sesión extraordinaria celebrada o día 30 de novembro do 2021 aprobou o Plan de Acción para o Clima e a Enerxía Sostible.

Considerando que se trata dun instrumento de carácter especial que recolle as acción previstas en materia de eficiencia enerxética e minimización do impacto da acción humana no medio ambiente, é polo que para un coñecemento xeral, se procede á publicación dun anuncio da súa aprobación.

+INFO prema aquí: PLAN DE ACCIÓN PARA O CLIMA E A ENERXÍA SOSTIBLE DE PARADA DE SIL

Published in Novas

Ler máis...

Xoves, 25 Novembro 2021 12:02

25 DE NOVEMBRO LOITANDO CONTRA A VIOLENCIA DE XÉNERO

O Concello de Parada de Sil anima a toda a cidadanía e ás institucións (organizacións, asociacións, empresas, medios de comunicación, etc.) a unirse durante todo o ano e, especialmente, neste día ao rexeitamento contundente á violencia de xénero.

Todos e todas debemos plantarlle cara á violencia machista que empobrece a nosa sociedade. Os malos tratos non son un asunto privado, é un problema social que se combate coa TOLERANCIA CERO ante calquera comportamento machista.

O noso concello, en representación de todas as persoas que conforman o noso municipio, ven condenar neste cartaz calquera tipo de violencia contra a muller, non admitindo ningún tipo de xustificación e expresando a maior das repulsas.

A violencia de xénero constitúe unha secuela de carácter mundial. Un atentado contra os dereitos humanos e a dignidade das persoas, que impide á nosa sociedade continuar avanzando pola senda do benestar e do progreso social que desexamos.

Nos últimos anos, desde todos os ámbitos adoptouse un papel activo para erradicar a violencia que se exerce contra as mulleres, fomentando cantas medidas fosen necesarias para apoiar ás vítimas e atopar unha solución definitiva a este problema, o que supuxo un avance significativo na concienciación e sensibilización social ante este tipo de violencia.

Un esforzo no que debemos seguir insistindo e traballando desde a responsabilidade compartida entre o conxunto da cidadanía e os poderes públicos, poderemos erradicar definitivamente esta terrible lacra social.

Por todo iso Parada de Sil asume o compromiso persoal de loitar contra todo tipo de violencia, denunciando as agresións, apoiando ás vítimas, non permanecendo en silencio ante a violencia e transmitindo ás xeracións futuras o respecto á igualdade de mulleres e homes.

É o noso compromiso social con esta loita, que debe ser conxunta contra calquera acto que atente contra a integridade e dignidade da muller, e defender unha sociedade xusta e igualitaria, na que mulleres e homes podamos participar equilibradamente en todos os ámbitos e tomar conxuntamente as decisións que nos afecten.

Co desexo de que no futuro non haxa ningún motivo para conmemorar o día 25 de novembro como o Día Internacional da Eliminación da Violencia contra as Mulleres. Co convencemento de que non existen barreiras ideolóxicas nin políticas que poñan freo a unha loita común contra a violencia sexista dí conosco:

Non estás soa!

Non te cales: Fala!

Cartaz deseñado por Leticia Rodríguez Álvarez en Parada de Sil 2021

Published in Novas

Ler máis...

Xoves, 04 Novembro 2021 10:01

ANDAINA CONTRA A VIOLENCIA DE XÉNERO - GDR 2021

O sábado 13 de novembro de 2021, realizarase unha andaina popular contra a “Violencia de Xénero”, cun percorrido de 3,54 km., coincidindo os 24 Grupos de Desenvolvemento Rural de Galicia o mesmo día e a mesma hora.

Punto de encontro: Centro de Interpretación de A Pobra de Trives. Haberá un autocar para desprazar ós asistentes dende o centro de Interpretación sito en A Pobra de Trives (Rúa Eumenio Ancochea, 15) ata o punto de saída (Mendoia). Hora de saída do autocar: 11:15 h.

Percorrido: Mendoia de Abaixo – Ponte Cabalar – A Corga – Centro de Interpretación de A Pobra de Trives.

Tod@s @s participantes levarán unha prenda identificativa, chaqueta impermeable, que será facilitada polo GDR.

Ao chegar ao punto final da ruta, leerase un manifesto conxunto, no que as mulleres e o resto dos habitantes da Galicia rural, se posicionen en contra da violencia de xénero. Trala lectura do manifesto, realizarase unha vídeoconferencia conxunta dalgún alto cargo da Xunta de Galicia cós participantes en todas as andainas dos 24 GDRs de Galicia.

Ao finalizar a vídeoconferencia, terá lugar unha degustación dos produtos do territorio de actuación do Grupo de Desenvolvemento Rural Sil-Bibei-Navea.

Inscricións e máis información:

Grupo de Desenvolvemento Rural Sil-Bibei-Navea (Praza do Reloxo, 11 – A Pobra de Trives)

Tlfnos: 988346169 – 608643790

O aforo será limitado polo que, no suposto de que os inscritos superen o aforo, terase en conta á orde de inscrición por concellos.

Published in Novas

Ler máis...

Domingo, 31 Outubro 2021 13:32

XIV ANDAINA DA CASTAÑA · PARADA DE SIL 2021

O vindeiro sábado 20 de novembro o concello de Parada de Sil acollerá a celebración da XIV Andaina da Castaña e da XIV Andaina para Cativos. Un evento onde tódolos asistentes adultos poderán disfrutar dunha marcha de 18,5 kilómetros que transcurrirá polo roteiro Canón do Sil-Santa Cristina, e os máis cativos poderán participar nun percorrido guiado de 3,5 kilómetros polo roteiro dos Castiñeiros e das Carriozas.

As rutas comenzarán na praza do Barquilleiro dende as 09:15 ata as 09.30 horas, para os participantes adultos, e ás 11.00 horas para os cativos. E a chegada estará situada na praza do Concello.

O prezo da ruta será:

Andaina da Castaña 18,5 kms. - PR-G 98

12 € - de 18 años en adelante

5 € - Menores de 12 a 17 años

Desconto de 2€ para federados FEDME

Andaina da Castaña para niños: Ruta interpretación da Castaña e das Carriozas de 3,5 kms. guiada.

-12 € acompañante

-Gratis para os cativos

Máis información en: www.ourodosil.org

INSCRIPCIÓNS en: XIV ANDAINA DE CASTAÑA 2021